NGOs zisizosajiliwa, kufuata utaratibu kuchukuliwa hatua

Serikali itawachukulia hatua za kisheria watu wote wanaoendesha shughuli za Mashirika yasiyo ya Kiserikali (NGOs) bila usajili ama kufuata utaratibu.

Akizungumza na waandishi wa habari, Mkurugenzi wa Idara ya Mashirika yasiyo ya Kiserikali katika Wizara ya Maendeleo ya Jamii, Jinsia na Watoto, Marcel Katemba, amesema mashirika yote yanayoendesha shughuli za kijamii kwa tafsiri ya NGOs yanapaswa kusajiliwa au kupata cheti chini ya sheria husika.

Amesisitiza kuwa ili asasi iweze kufanya kazi nchini inatakiwa kwanza kupata usajili na idhini yenye mamlaka kisheria.

Bw. Katemba amesema asasi yeyote ambayo bado inafanya kazi kinyume na taratibu inatakiwa kusimama mara moja la sivyo itakumbana na mkondo wa sheria.

Pia amezitaka asasi za kiraia kuhakikisha kuwa kila mwaka zinawasilisha taarifa zao za mapato na matumizi kwa msajili wa NGOs wizarani kwa mujubu wa sheria, na kuongeza kuwa asasi yeyote itakayoshindwa kutimiza utaratibu huo kwa miaka miwili mfululizo itakuwa imejifuta yenyewe.

“Kila asasi inatakiwa kufuata sheria bila kufungamana na imani za kidini au chama cha siasa kwa kuwa hayo yote pia ni kinyume na muongozo wa sheria za NGO,” alisema na kuongeza kuwa hatua kali zitachukuliwa dhidi ya watakao kiuka maagizo – ikiwa ni sambamba na kuzifungia mara moja asasi zote zitakazoenda kinyume na malengo yaliyokusudiwa.

Bw. Katemba amesema kwa kuhakikisha usimamizi imara wa kazi za asasi, Maafisa Maendeleo wa Wilaya na Mkoa watakabidhiwa na jukumu la kuhakikisha kuwa kila asasi katika maeneo yao inajiendesha kwa mujibu wa taratibu hizo zilizowekwa.

Aidha, amesema NGOs/ Asasi za Kiraia zimekuwa zikichangia kwa kiasi kikubwa maendeleo ya jamii kwa ujumla na hivyo Serikali inashirikiana nazo ili kuzijengea mazingira wezeshi katika shughuli zake.

Wasiliana Nasi

THE FOUNDATION FOR CIVIL SOCIETY

  • Namba ya simu: +255 22 - 2664890-2
  • Nukushi: +255 22 - 2664893

Ungana na sisi

Tupo kwenye mitandao ya kijamii. Tufuate na uungane nasi.

Uko hapa: Home Chumba cha Habari NGOs zisizosajiliwa, kufuata utaratibu kuchukuliwa hatua