Wananchi Pwani watakiwa kushiriki mipango ya afya

Wananchi wa kata ya Mjawa wilayani Rufiji mkoani Pwani wametakiwa kushiriki katika mipango ya maendeleo katika sekta ya afya na kueleza changamoto walizonazo, ili kuwasaidia wadau na serikali kutatua matatizo yao.


Akizungumza wakati akifungua semina kuhusu utekelezaji wa mradi wa ufuatiliaji wa matumizi ya fedha za ruzuku ya miradi ya maendeleo mwishoni mwa wiki, Mratibu wa Taasisi ya Chem Chem ya Mabadiliko (Chechema), Daudi Saidi, alisema wananchi wanajukumu la kusim amia na kufuatilia miradi ya umma, hasa katika sekta ya afya. “Wananchi wa Mjawa hawajui umuhimu wa kushiriki katika mipango hiyo, ili wahusike wajue changamoto zilizopo katika sekta hii muhimu”, alisema Saidi.


Alisema, viongozi wa vijiji pia hawajui wajibu wao katika kusimamia rasilimali za umma na kusababisha wananchi kupata huduma mbovu maeneo ya vijijini.Alisema mradi wa wa ufuatiliaji wa matumizi ya pesa za ruzuku utaendeshwa katika vijiji vitano vya kata ya Mjawa kwa miezi mitatu na utatumia sh milioni saba, fedha zilizotolewa na Foundation for Civil Society.


Alisema, Chechema iliamua kutambulisha mradi huo baada ya kugundua kuwa, huduma za afya zilizopo haziridhishi pamoja na kuwa na zahanati ya kata.Alisema, zahanati hiyo ina upungufu mkubwa wa vipimo, dawa pamoja na tiba.

 

Wasiliana Nasi

THE FOUNDATION FOR CIVIL SOCIETY

  • Namba ya simu: +255 22 - 2664890-2
  • Nukushi: +255 22 - 2664893

Ungana na sisi

Tupo kwenye mitandao ya kijamii. Tufuate na uungane nasi.

Uko hapa: Home Chumba cha Habari Wananchi Pwani watakiwa kushiriki mipango ya afya